Welkom by Sluk jou Woorde

Baie gesels, dink, toets, proe en herontwerp en daar staan hy – Sluk jou woorde – elke sluk vertel ‘n storie – het in 2016 vir die eerste keer die Stellenbosse lug geproe.

Ons wil die wynbedryf in Afrikaans ‘n pret-omgewing maak. Weg is die dae van stywenekwynproeë en -besprekings, van neus, en teug en adem en nasmaak en lang palet in die middelmond – almal ingewikkelde wynterme wat skynbaar net vir die geleerdes en kenners bestem is.

Sluk Jou Woorde is ‘n prettige wynreeks wat jou na die volgende bottel sal laat soek – oor die inhoud van die bottel self, maar beslis ook oor die uniek-ontwerpte etiket en die storie wat dit vertel.

Feeste en soortgelyke projekte word genooi om – soos met die Woordfees – met ons in verbinding te tree om wyne vir hul geleenthede te laat maak, te botteleer, en te etiketteer – met u projek se gunstelingwoord daarop. Slegs 100 bottels hoef gemaak te word per projek – kostes sal bepaal word n.a.v. die spesifieke projek se behoeftes – Kontak ons!

Met reuse in die Afrikaanse leefwêreld soos die Woordeboek van die Afrikaanse Taal (WAT), en die US Woordfees, binnekort talle Afrikaanse radiostasies en dalk ‘n televisieprogram of twee saam op die rak, gaan jy nog baie pret hê met hierdie wyn en sy unieke Afrikaanse stories. Al vier van ons vorige wyne is uitverkoop – Rinkink, Loslyf, Oorbly en Blykbaar – ons wil hierdie keer vra dat u ons help besluit op die volgende wyn en sy gepaardgaande woord. Vul net die vormpie in.